sony c3 d2502

[amazwarou]

من فضلكم إخوتي ابحث عن بطاقة أم (carte mere) ل سوني sony c3 d2502 راح نخسرها لزبون عندي دخلت أنا وياه في مشكل ،أنا راني في بسكرة لي يملكها على مستوى الشرق يتصل بيا وانا ننتقل عندو ،بارك الله فيكم
XXXXXXXXsalim

 

[adelkaha]

السلام عليكم أخي

ممكن تشرح لنا المشكل في البطاقة الأم الخاصة بهاتفك فهذا الهاتف يفقد البوت و ممكن تصليحه و استرجاعه طبعا في انتظار واحد من الإخوة اللذين عندهم ما طلبت

انا اعرف أن القسم غير مناسب الملخص إذا المشكل حدث أثناء التفليش فالرجاء فتح موضوع في قسم setool أو سوني و راح نتابعك و نفيدك إن شاء الله
ربي يوفقك

 

[amazwarou]

شكرا أخي الكريم على التفاعل ،المشكلة أنو هاد الهاتف جاني يشعل و يطفى جميع طرق الفلش ما نفعت للتذكير عندي 17 سنة خبرة في تصليح و فلاش الهواتف ،حليتو قلت نسخنو شوي ،،مات موتة نهائية هاداك الصوت لي يفرح كي توصل الهاتف مع الكمبيوتر راح و زيد يسخن ،بعد أيام يئست منو ،عندي جميع بوكسات تصليح البوت ولا أمل.

 

[amazwarou]

للتذكير الزبون قالي :ردهولي كيما جبتو يشعل و يطفى ،لكان تتواصل كيما هاك راح نضربو ،جنني و راح إيخرجني من رحمة ربي و طلب ثمن خيالي و مابغاش التعويض

 

[adelkaha]

السلام عليكم

مادام الأمر كما ذكرت فلا بد من بطاقة أم غدا إن شاء الله نشوفلك أنا من قسنطينة ممكن نلقاها بإذن الله

ربي يوفقك و يفك كربتك

 

[yacine_41]

ظرك نشوفلك شعور واحد عندما يحدث هذا الامر
سابحث لك عن واحدة باذن الله

 

[FaYsSaL_GsM]

الله يعوض عليك
وكلنا مررنا بالمراحل هاذو
سنبحث معك أخي لا تقلق

 

[15ziko]

الله يعوض عليك

 

[amazwarou]

بارك الله فيكم خاوتي ربي يجازيكم و يحفظكم و يهنيكم ،،البارح كنت في سوق تاجنانت و من بعدها فتت للعلمة ،ماجابش ربي،انا راح نحاول نتفاهم مع مولاه بالتي هي أحسن ،و نتمنى ماتنساونيش حتى في المستقبل البعيد على الاقل نصنعو و نبيعو كاش ما نعوض شوي خسارة
نصيحة:
التليفون لي يروبوتي جامي تسخنوه شوية ،ردوه إيجيب ربي غيرو ولا أعملو إتفاق مع الزبون

 

[SALIM_GSM]

عادي اخي ... لا تقلق ربي راه يعوضك ...
اعطيه واش يحب وخلص نفسك من هذا النوع ... كيما نقولو ( اخسر وفارق )

 

[macdonet]

عندما يأتيني هاتف يروبوتي مثل السوني و ألجي و بعض الهواتف المشكوك فيها اتفق مع الزبون بنسبة نجاحه حتى لا اتلقى مشاكل من بعد انطفائه

 

[gsm ah]

الزبون كى يدخل عند التقنى

لا ينضر اليه كا تقني ولكن كسارق

واحد يقولك ندي البطارية معايا

واحد يقول نستنى هنا حتى تصلحه

وحد المرة حتى تعدى الحدود ولقيته دخل عندي الى غرفة الصيانة

صيانة الهاتف صعبة وفيها مشاكل كثيرة

مرة أخرى أخي يجب التفاهم مع الزبون

نأخذ على سبيل المثال الطريقة التى أعمل بها

مثلا كنكتور j110h

تركيب الكنكتور ب 3000دج مع تحمل مسؤولية الشاشة

تركيبه على مسؤولية الزبون 800 دج..................الخ

 

[DJIDEL]

هدا الشعور اخي انا مريت بيه وراني حاس بيك وربي انشاالله اجيب الخير انا سراتلي مع زبون ما حبش يتفهم الوضع كانو خسر حياتو ماشي تليفون ههههههههههه

 

[rahal mohamed]

الزبون كى يدخل عند التقنى

لا ينضر اليه كا تقني ولكن كسارق

واحد يقولك ندي البطارية معايا

واحد يقول نستنى هنا حتى تصلحه

وحد المرة حتى تعدى الحدود ولقيته دخل عندي الى غرفة الصيانة

صيانة الهاتف صعبة وفيها مشاكل كثيرة

مرة أخرى أخي يجب التفاهم مع الزبون

نأخذ على سبيل المثال الطريقة التى أعمل بها

مثلا كنكتور j110h

تركيب الكنكتور ب 3000دج مع تحمل مسؤولية الشاشة

تركيبه على مسؤولية الزبون 800 دج..................الخ

شكرا اخي لكن لمادا هادا الثمن لاصلاح هدا الهاتف هل صعب تصليحه

 

[gsm ah]

شكرا اخي لكن لمادا هادا الثمن لاصلاح هدا الهاتف هل صعب تصليحه

لا يا أخي هاذا مثال فقط على الأجهزة اللتى يتم فتحها برفع الشاشة

الشاشات اللتى سعرها باهض

شاشة s5 سعرها 27000دج
شاشة j110 سعرها 12000دج
يعنى أى غلطة تدفع الثمن