أضحك مع الشعب

[roky1]

بارك الله فيك اخي على النصيحة .ولكي تعلم ايها التاجر ان ارباحك تاتي من عندهم و في الاخير تضحك عليهم? ولا تقلق اخي الكريم لاننا كلنا خطائون المهم الا نعود للخطئ وشكرا

 

[sid_ch]

هل تعلم اني فتحت محلي في 2004 بمعنى وقت السيمانس و الفليبسو الكتمان تاع خيط من الوذن للفم....
بمعنى لوقلت لي في ذاللك الوقت راح ايجي الويفي و3جي.4جي و الديجتال. نضحك عليك..
بمعنى اخر وقل ربي زدني علما.................... شكرا لكم................

 

[.:: Bouamama _ Gsm ::.]

معم نوجد هذه الطرائف بكثرة أتاني شخص للمحل قالي فوتلي فايسبوك بالشاريطة
خخخخخ


لكن الحمد لله ضحكتله في وجه و قتله هذي هبال تاع الشاريطة :hysterical::hysterical::hysterical: و لكن اصلحت الموقف بأعطيته الأسم الصحيح للتطبيق


لكن إخواني ماتكونوش كيفي كل شخص و له أخطاءه حتى أنت و أنت لك أخطاءك التي يضحك عليها غيرك لكن المشكل ليس هنا المشكل أنك لا تصحح الخطأ و تجعل الشخص نكتة

 

[koko22]

 

[جمال الدين]

نقولولهم ثور يقولولك احلبو ذراع يا عباد ربي رانا نقصرو برك مانا نضرو في حتى واحد وماناش نتمسخرو بالزبائن

الزبائن اسباب رزق وانما بعضهم بعضهم بعضهم بعضهم افهموا يا جدكم افهموا بعضهم تحصل منو امور تثير الضحك

يعني الكاميرا المخفية وفيها كبارو صغار نسا ورجال راهم يتمسخرو بالناس ولا واشنو قولو تاني حرام ياخي حالة ياخي

ايا سيدي ارواحو نحكيلكم واش صرالي انا بالذات واضحكو للصباح حتان تشبعو ضحك

مرة كنت خدام عند واحد قديم علي في الميدان يمالا جاني مرة شخص كنت وحدي في المحل

قالي راه باعثني فلان قالي نلقاك هنا قلتلو مرحبا بيك خويا قالي هاذي بطاقة سيم تاع وحدة جاية من الخارج

واعطاتهالو باش ياكتيفيها ويقصها باش تركب في البورتابل ايا انا حوست حوست على لاباري لي تقص السيم

ما صبتهاش يمالا واش درت رحت قصيتها بالمقص هههههههههههه

قلت هاذيك ياخي كيف كيف يمالا عطيتهالو وبعد يامات جاوني كي السيد كي المرا مولات البيس

وقالولي راها ما حبتش تمشي واش راك درتلها صابوها مقصوصة باينة تاع تسقاد ههههههههه

ما صبت واش نقولهم قلتلهم المقص حافي موش مسنون هعههههههههه ما لقاو واش يقولولي راحو جابدو سيم واخداخرا وخلاص هههههههه

والسيد مولا الحانوت قالي بهدلتني تقص سيم بالمقص يا خي على الاقل قصها بالموس هههه هاذي زدتها من عندي خاوتي

يا جماعة رانا نضحكو افهمو يرحم والديكم مانا نضحكو على حتى انسان بشخصو ونضرو فيه

ونقسملكم بالله مافيها حاجة يا سيدي كيفاش رايح يجيك هاذا الانسان ويحاسبك ويقولك راك تضحك علي قدام الناس

ياخي انت ما كتبت اسمو ولا وين يسكن ولا شكون هو اصلا يمالا بركاونا يرحم والديكم عندنا مواضيع نتفشو فيها ونضحكو مع بعض

الي حاب يضحك مرحبا بيه والي مش عاجباه الموضوع يزينا بسات نتاعه وخلاص علاش لازم يعلق ويدير البلبلة وقالي وقتلك على ماكان والو !!!!!

ربي يهدينا ويهديكم

 

[omar112]

نحوس على بورتابل نوع سانسيلك ؟؟؟؟؟؟ سامسينغ

 

[hafid-]

لاحول ولا قوة الا باله ماشي رجلاة نشدو درهمهم و نضحكو عليهم و الكل بدون استثناء لا يعرف شيئ لان الله هو العليم و الكل بداء مثل االي راهو يضحك عليهم اليوم وظ©ظ* بالمئة لا علقة له بعلم الصيانة يعني داخيل على المهنة و لا احاسب احد لاننا معروفين بحب المال و والواجب ان نقص على بعضنا قصص كم من واحد قلنا له مشكل كارت مارو اشري واحد اخرى

 

[يونس GSM]

لازم شوي المزاح ماش نضحكو على الناس لوكان منضحكوش شوي قلوبنا وراسنا ينفجرو من قوة الضغط

 

[hakim creed]

اعلم لولا هاذا الشعب الذي انت بصدد السخرية منه لصرت تطلب